Lasso pushakka kay hunkaypimi rimarka mamallaktatapa tapuyta rurankapak. Yallishka mamallaktapa tapuyka USD 48 hunumi karka, shinapash puntalla kullkimanta rimankapak kan.
Guillermo Lasso, pushakka, wakin willachiy tantankuykunapi kay hunakaypi nirka mamallaktapa tapuy ruranamanta, wakin paktaykunapa, Cosejo de Participación Ciudadana kamaywasita anchuchinkapakpash kan. Kay kunamanta wakin willaykunata rurarishka chaypimi ninakun 60 hunu kullkita mutsukrin nishpa. Chay willayka llullami kan. Yallishpa mamallaktapa tapuyka, 4 febrero killapi 2018 watapi karka, 48 hunu kullkimi chayta rurankapak churarka, shinapash kunan mashna kanataka yapa puntalla kan, manarak tapuykunatapash yacharinchu.
CNE kamaywasimanta willachiy ukumantaka Ecuador Verificaman willachirka 2018 watapi mashna kullki kashka, shinapash “puntalla kan mashna kanamanta”, nirka.
Ecuador Verifica shuk kamachikwan rimarka shinallatak akllaykunapa yachayuk Carlos Aguinawanpash rimarkanchik, paymi nirka Ecuadorpi mashna tapuykuna kakpipash, shuk runamanta USD 3 shinallatak 4 dólar kullkikaman kayta ushanmi, ashtawanka Akllaypa pankamanta, nirka.
“chayta rurankapakka 40 hunu dólar kullkipami kanka shinallatak 52 hunukaman kayta ushanmi”, shinapash yallishka akllaypi 13.099.150 runakunami akllarka, nirka Aguinaga.
Medardo Oleas, akllaykunapa yachayuk, paypash nirkami USD 3 shinallatak 4 dolarkaman kayta ushanmi, ashtawanpash “CEN imashinata ruranamantapash rikunata charin, imaykunamantapash, mana kashpaka willachiy tantanakuykunapi willaykunata llukchinkapakpash”.
Comments are closed.