Instagram pankapimi shuk willayta llukchirka Ecuadorpa pushak, Guillermo Lasso «kayna punchaka 268 waranka runakunamanmi vacunarkanchik shuk punchapi. 4 hunu vacunatami charinchik, shinallatak 16 sitwa killapika 3 hunu chayanka». Chayka shinami kan. Chillay (miércoles) puncha, 14 sitwa killapi, pushak, shinallatak Ximena Garzón Salud kamanawasimantawanpash shuk willay willachiy tantanakuykunawan rurarka.
Chaypimi nirka vacunankapak llamkayñan allimi katikun. Shinallatak, 13 sitwa killapika » shuk punchapi 268 waranka runakunamanmi vacunashka». Shinallatak ninkapak munani 4 hunu vacunakuna tiyanmi. 16 sitwa killapipash ashtawan 3 hunu vacunami chayanka. Chaywanka, 7 hunu vacunawanka paktanami» nirka.
Vacunankapak llamkayñan 9/100 awaki puncha, 31 aymuray killapimi kallarirka. Ministerio de Saludmantaka nirka 1.251.502 AstraZeneca vacuna churarishka, 2.168.278 Pfizer, 2.964.082 Sinovac. 13 aymuray killakamanka 6.383.832 vacunami churashka.
Comments are closed.