Hampi kamaywasimanta yupaykunawan pakta kan, Ecuadorpi 26 kulla killapi 697.609 covid-19 unkushkakuna karka.
Facebook pankapi shuk willayta yallichirka Hampi kamaywasipa pushak, Ximena Garzón, shuk tapuykutichiypi 97% covid-19wan unkushkakunamantaka Ómicronwan kan. Chay willayka shinami kan.
Metro willachi pankaka Ómicron unkuywan ashtawan kan, 95% shinallatak 97% Kamaywasipa pushak nirka nin. Garzónpash, Delta unkuy 3 shinallatak 5% kan nirka.
Pushakka vacunankapak ruraykunami hampinawasikunapi ama ashtawan unkushkakuna tiyachun harkashka. “Kay mamallaktapi ashtawanka Ómicron unkuymi kan. Shinapash imashinatak mamallakta kan shuk shuk kan”, pushak 26 kulla killapi 2022 watapi nirka.
El Oro markapi ashtawan Delta unkuywan kashka nirka Garzón, shinapash kay hunkaypika Ómicronmi mishakun, chay markapika 80% Ómicron shinallatak 20% Delta kan.
Ómicron tukuy mamallaktakunapi ashtawan kan
OMS tantanakuyka covid-19wan unkushkakunaka 19,90% Ómicronwan kan, Metro panka willachirka.
Kay kamaywasimi unkushkakunamanta shuk llamkaywillayta llukchirka, 372.000 GISAID taripaykunapi, shinallatak 30 punchakunapika 332.000 Ómicronwan unkushkakuna, chayka 89,1% kan.
OMS nirkami Ómicronwan unkushkkakunaka mana ashtawan wañushkakuna tiyanchu. Shinapash unkushkakunaka tukuy mamallaktakunapi ashtawanmi mirashka.
Comments are closed.